Tetova vatër e re me coronavirus, nuk planifikohen masa restriktive

Nuk do të ketë masa të veçanta të izolimit apo karantinë në Tetovë, edhe pse ka një shtim të lehtë të rasteve të reja dhe kalster të ri. Këtë e deklaroi Ministri i Shëndetësisë, Venko Filipiçe, sipas të cilit rastet e reja do të trajtohen në mënyrë standarde me izolime dhe anketa për kontaktet.

“Tani për tani nuk mendojmë për masa rajonale dhe aty ku ka raste, edhe aty ku nuk ka raste, insistojmë që të realizohet vaksinimi dhe tani për tani aty është përqendruar fokusi ynë. Për rastet konkrete do të kemi masa standarde të masave me anketa me izolime dhe veç se më ka dhe do të vazhdohet me princip të njëjtë”, deklaroi Filipçe.

Por edhe pse nga ministria thonë se numri i të infektuarve është duke u rritur në Tetovë, në Spitalin Klinik të Tetovës tani për tani nuk ka asnjë pacient të shtruar. Numri i atyre që kërkojnë ndihmë për shkak të simptomave të lehta është nga 3 deri në 5 pacientë.

“Për momentin që Qendrën Klinike në Tetovë nuk ka asnjë pacientë të shtruar, ndërkohë kemi vetëm kontrolle rutinë të pacientëve me pasqyrë të letë të infeksioneve, nga 3 deri në 5 pacientë kemi në ditë, që u jepet tepria e nevojshme dhe lëshohen në shtëpi”, tha Artan Etemi, drejtor ekonomik në SPK Tetovë.

Për këtë arsye as nuk është futur në përdorim spitali i mobil i ndërtuar nga Qeveria, shpjegon Etemi.

“Ne si institucion jemi të përgatitur qendra modulare është në funksion, përveç kapaciteteve që kemi pasur, kemi edhe plus 36 shtretër, të gjithë kanë edhe pjesën e oksigjenit dhe të gjitha kushtet për t’u trajtuar një pacient me Covid-19. Domethënë është i gatshëm por nuk e kemi futur në funksion pasi që ra fluksi dhe nuk ka pasur nevojë”, shtoi Etemi.

E edhe përskaj numrit të ulët të rasteve të reja me Covid-19, sipas Ministri të Shëndetësisë duhet vazhduar me kujdesin, që qytetarët t’u ikin hapësirave me shumë njerëz.

Në 24 orët e fundit në Tetovë janë regjistruar 6 raste të reja, ndërsa gjithsej janë 70 raste aktive./TV21/