Tetëvjeçari që gjithë jetën jetoi si i pastrehë, nuk mund të ndal lotët e gëzimit kur e kupton se është bërë me shtëpi të re (Foto/Video)

Një djalë 8-vjeç i cili dikur jetonte si i pastrehë, më në fund është bërë me shtëpi. Ai dhe nëna e tij janë shpërblyer nga autoritetet lokale të Michigan-it në SHBA, pasi vogëlushi kishte kërkuar për Krishtlindje një shtrat në të cilin do të mund ta bënte rehat gjumin.

Dhe për fat të mirë që dëshira e tij është bërë realitet, ndërsa momenti kur është futur në dhomën e tij të gjumit është filmuar dhe publikuar në internet, duke i bërë miliona njerëz të përloten, transmeton Telegrafi.

Dayers dhe nëna e tij Dionna nga Detroiti, kishin kaluar shumicën e jetës si të pastrehë, kur nëna e vogëlushit humbi punën si infermiere dhe si pasojë e mospagesave të taksave humbi edhe shtëpinë.

Por pasi që u bënë me shtëpi të re, atyre u mungonin mobilet dhe gjësendet e tjera, kështu autoritetet lokale u përkujdesën edhe për këtë.

Dhe kur i ftuan që ta shohin shtëpinë e tyre të re, ata thjesht mbetën të shtangur, kurse Dayersi i vogël shpresonte që ta gjejë dhomën e gjumit që e kishte ëndërruar gjithmonë.

Pasi u fut brenda nuk arriti t’i ndal lotët e gëzimit, dhe dhurata e tij për Kërshëndella i është realizuar. Ai nga sot mund të pushojë i qetë pa pasur frikë se dikush do ta largojë. /Telegrafi/