Tërmeti në Turqi, Xhaçka: Jemi gati të ndihmojmë në çdo mënyrë të mundshme

Ministrja për Evropën dhe Punët e Jashtme, Olta Xhaçka i ka ofruar Turqisë ndihmën e Shqipërisë pas tërmetit shkatërrues që shkaktoi qindra viktima dhe ka lënë mijëra qytetarë të lënduar apo nën rrënoja.

Në një postim në Twitter, Olta Xhaçka, ndërsa i drejtohet homologut të saj në Turqi Mevlut Cavusoglu, shprehet se lutjet e shqiptarëve shkojnë për viktimat e tërmetit shkatërrues.

“Zemrat dhe lutjet tona shkojnë për viktimat e tërmetit tragjik që goditi Turqinë dhe Sirinë sot duke shkaktuar qindra viktima. Në këto orë të vështira ne jemi gati t’i vijmë në ndihmë Turqisë në çdo mënyrë që të mundemi”, shkruan Xhaçka.

Më shumë se 500 njerëz raportohet se kanë gjetur vdekjen në dy vende – Turqi dhe Siri – pasi një tërmet i fuqishëm me magnitudë 7.8 goditi Turqinë jugore herët të hënën.

Tërmeti është një nga më të fortët që ka goditur Turqinë në më shumë se 100 vjet dhe shkaktoi lëkundje në të gjithë rajonin, duke shembur ndërtesa dhe duke i bërë banorët të vrapojnë për të dalë në rrugë. /Telegrafi/

Our hearts and our prayers go to the victims of the tragic earthquake that hit #Türkey ?? & #Syria ?? today causing hundreds of victims. In this difficult hour we are ready to assist #Türkey in any way we can. @MevlutCavusoglu @MFATurkiye

— Olta Xhaçka?? (@xhacka_olta) February 6, 2023