Tërmeti në Turqi, MPJ me informata të rëndësishme për qytetarët e Maqedonisë

Ministria e Punëve të Jashtme në Maqedoni pas tërmetit në Turqi njofton se ambasada e Maqedonisë në Turqi është në kontakt të vazhdueshëm me autoritetet turke, por që nuk dihet nëse shtetas tanë kanë ndërruar jetë ose janë lënduar nga tërmeti.

“Pas tërmetit të fuqishëm në pjesën juglindore të Republikës së Turqisë, Ministria e Punëve të Jashtme ka kontaktuar Ambasadën e Maqedonisë së Veriut në Ankara dhe Konsullatën e Përgjithshme në Stamboll, të cilat janë në komunikim të vazhdueshëm me institucionet kompetente të Turqisë”.

Lexo po ashtu Numri i të vdekurve nga tërmeti i fuqishëm në Turqi dhe Siri shkon në më shumë se 500 – paralajmërohen pasgoditje të forta në orët dhe ditët në vijim

“Autoritetet tona në Turqi janë në dispozicion 24 orë në ditë për të gjitha pyetjet e mundshme, në numrat e telefonit: +905394569710 në Ankara, +905456149777 në Stamboll dhe + SOS telefon i MPJ-së në Shkup 38975273732”, thuhet në njoftimin e MPJ-së.

Tërmeti është një nga më të fortët që ka goditur Turqinë në më shumë se 100 vjet dhe shkaktoi lëkundje në të gjithë rajonin, duke shembur ndërtesa dhe duke i bërë banorët të vrapojnë për të dalë në rrugë./Telegrafi/