Portieri gjerman, Marc-Andre Ter Stegen ka zbuluar se fitimi i Ligës së Kampionëvë është synimi kryesor i Barcelonës në këtë sezon.
Barcelona u eliminua sezonin e kaluar nga Roma në çerekfinale, por sipas portierit gjerman klubi katalunas mund të bëjë më shumë.
Ter Stegen zbuloi se në këtë sezon kanë synim të fitojnë Ligën e Kampionëve, por çelësi i kësaj është mbrojtja e fortë.
"Eliminimi kundër Romës sezonin e kaluar ishte jashtëzakonisht i hidhur për ne, sigurisht që kishte më shumë mundësi për ne", ka thënë fillimisht Ter Stegen për Goal.
Ter Stegen dhe Pique gjatë një ndeshje në Ligën e Kampionëve (Foto: Emilio Andreoli/Getty Images/Guliver)
"Fitimi i Ligës së Kampionëve është qëllimi ynë i madh. Është e rëndësishme ta mbajmë në mend këtë qëllim, por kjo nuk do të thotë që ne mund të neglizhojmë detyrat tona në ligë".
"Epërsia është e rehatshme, por Reali dhe Atletico janë gjithmonë të rrezikshme".
"Mbrojtja e mirë është çelësi për të fituar Ligën e Kampionëve. Ne kemi forcat tona sulmuese dhe jemi gjithmonë të mirë në shënimin e golave, por sidomos në fazën eliminatore, është e rëndësishme të pranojmë sa më pak gola".
"Natyrisht që duhet të jeni në formë në momentin e duhur, Reali nuk ka luajtur shkëlqyeshëm vitin e kaluar, por ata ishin aty kur ishte e rëndësishme", përfundoi gjermani. /Telegrafi/
