Tenisi, sporti që po “lulëzon” në qytetin e Gjakovës

Sporti i tenisit tash e disa vite vazhdon të jetë një ndër sportet më të pëlqyera e më të suksesshme në Komunën e Gjakovës, falë angazhimit të klubeve e trajnerëve të këtij sporti.

Njëri ndër trajnerët e këtij sporti, Art Baruti, në një intervistë për Telegrafin, foli për themelinin e njërit ndër klubeve më të suksesshme të tenisit “HotShot”.

“Klubi ‘HotShot’ka filluar aktivitetin e tij në vitin 2017, kurse në vitin 2018 është themeluar zyrtarisht si klub, ku edhe jemi regjistruar në të gjitha institucionet shtetërore sportive, si në Ministrinë e Kulturës, Rinisë dhe Sportit, Federatën e Tenisit të Kosovës, Drejtorinë e Kulturës, Rinisë dhe Sportit në Gjakovë, dhe në Komitetin Olimpik të Kosovës, duke u bërë kështu një klub me të drejta të plota në këto institucione.”, tha fillimisht Baruti.

Baruti foli edhe për qasjen e klubit, të cilën e cilësoi si një qasje interaktive.

“Qasja jonë në klub është një qasje interaktive, sepse jemi munduar ta afrojmë një qasje të re, jo si qasja tradicionale e cila është me disiplinë të rreptë. Në klubin tonë përveç ushtrimeve sportive zhvillojmë edhe aktivitete sociale, ku nxënësit socializohen me njëri tjetrin dhe kjo po bëhët arsye që ata të japin më të mirën e tyre në fushën e tenisit. “, potencoi Baruti.

Më poshtë mund ta ndiqni intervistën e plotë. /Telegrafi/