Ten Hag tashmë ka vendosur për lëvizjen e tij të radhës pas shkarkimit nga Man United

Planet e menjëhershme të teknikut holandez Erik Ten Hag janë zbuluar pas shkarkimit të tij nga Manchester United.

Përmes një njoftimi zyrtar të hënën, United kishte konfirmuar se ish-trajneri Erik Ten Hag është shkarkuar pas dy viteve në krye të klubit.

Ten Hag ishte përballur me një presion të jashtëzakonshëm sa i përket të ardhmes së tij tek Unitedi përgjatë sezonit, ku eventualisht drejtuesit morën vendimin që ta shkarkojnë atë pasi humbën ndeshjen e katërt këtë sezon në Ligën Premier.

Sipas Daily Mail, Ten Hag tashmë ka planifikuar që të rikthehet në pronën e tij në Austri për të reflektuar për kohën e tij tek Unitedi në atë që kanë qenë dy vite e gjysmë mjaft të vështira.

Pas 850 ditësh dhe 128 ndeshjes si trajner në të gjitha garat, Ten Hag mori 44 fitore, 27 humbje dhe 14 barazime.

Gjatë kësaj kohe, ai kishte sjellë dy trofe tek Unitedi, Carabao Cup në vitin 2023 dhe FA Cup sezonin e kaluar.

Përkundër kësaj, Ten Hag raportohet se ishte bindur se koha e tij në klub do të përfundonte në verë, pasi kështu iu tha miqve të tij të ngushtë se ai po priste që të shkarkohej pas triumfit ndaj Man Cityt në FA Cup.

Në ndërkohë klubi anglez nuk humbi shumë kohë pas ndërprerjes së bashkëpunimit me Ten Hag, duke emëruar në vend të tij portugezin Ruben Amorim./Telegrafi/