Temperaturat e ulëta në SHBA mund të çojnë në ngrirjen e lëkurës brenda pak minutash

Ulja e temperaturave që bën kërdi në të gjithë SHBA-në dhe Kanadanë mund të çojë në ngrirje në lëkurën e zhveshur në vetëm pesë deri në 10 minuta, paralajmërojnë ekspertët.

Një stuhi e fuqishme dimërore Arktiku ka vendosur më shumë se 135 milionë njerëz nën alarmet e motit të fundjavës përpara ditëve më të ngarkuara të udhëtimit të vitit.

Alarmet shtrihen nga bregu në bregdet dhe arrijnë në jug deri në kufirin SHBA-Meksikë dhe Florida, shteti Sunshine, transmeton Telegrafi.

Aeroportet kryesore kanë anuluar mijëra fluturime derisa stuhia intensifikohet.

I ftohti mund të sjellë Krishtlindjet më të akullta në dekada, thonë parashikuesit e motit.

Shërbimi Kombëtar i Motit (NWS) tha se temperatura prej minus 45 gradë Celsius ishin të mundshme deri në fund të kësaj jave në disa pjesë të vendit.

Ata paralajmëruan se edhe në zonat kryesore të metrosë, si qyteti i Des Moines, Iowa, ngrirja do të jetë një rrezik i madh.

Ngrirja shkaktohet kur qarkullimi i gjakut zvogëlohet, shpesh në ekstremitete si hunda dhe faqet ose gishtat e dorës dhe këmbëve. Mungesa e gjakut të ngrohtë mund të çojë në ngrirje dhe këputje të indeve, dhe në disa raste, në amputim.

Meteorologët thonë se stuhia e dimrit mund të shndërrohet në një “ciklon bombë” deri të premten.

Cikloni i bombës është një term që i jepet një stuhie shpërthyese që intensifikohet me shpejtësi, me presionin e saj qendror të ajrit që bie me të paktën 24 milibar në 24 orë.

“Kjo nuk është si një ditë bore, kur keni qenë fëmijë, kjo është diçka serioze”, tha Presidenti amerikan Joe Biden në një konferencë në Shtëpinë e Bardhë të enjten. /Telegrafi/