Sony ka prezantuar një telefon të ri dhe është një pajisje që nuk e kemi parë më parë.
Çmimi i modelit Sony Xperia Pro është 2,500 dollarë, të cilin ata u përpoqën ta justifikonin me një tipar unik - aftësinë për t'u lidhur përmes kabllos HDMI. Gjegjësisht, Xperia Pro ka pak a shumë të njëjtat karakteristika si Sony Xperia 1 II, telefoni i tyre më i mirë deri më tani, kështu që duket sikur vetëm porti HDMI "vlen" një shtesë prej 1,000 dollarësh, transmeton Telegrafi.
Për të qenë plotësisht i drejtë, Sony Xperia Pro ka pak më shumë RAM dhe hapësirë ruajtje sesa modeli Xperia 1 II, si dhe pajtueshmërinë 5G.
Portat HDMI në telefona nuk janë një koncept i ri. Shumë prodhues kanë eksperimentuar me shtimin e portave të daljes HDMI në fillim të viteve 2010, duke përfshirë Samsung, Nokia, Blackberry dhe madje edhe vetë Sony.
Kjo prirje përfundimisht u ndal, sepse teknologji të tilla si Google Chromecast e bënë më të lehtë transferimin e mediave nga telefoni pa nevojën e kabllove ose portave, raporton porti Ars Technica.
Sony tregon se ky është telefoni i parë që përfshin këtë lloj porti HDMI.
Me këtë model, Sony duket se po "synon" krijuesit e videove, duke sugjeruar që ata të përdorin telefonin e bashkangjitur në kamera si një ekran të drejtpërdrejtë, ose ta përdorin atë drejtpërdrejt për të transmetuar video HD në internet. /Telegrafi/
https://twitter.com/KPCeeJ/status/1354126415831162882?ref_src=twsrc%5Etfw%7Ctwcamp%5Etweetembed%7Ctwterm%5E1354126415831162882%7Ctwgr%5E%7Ctwcon%5Es1_&ref_url=https%3A%2F%2Fwww.b92.net%2Ftehnopolis%2Fvesti.php%3Fyyyy%3D2021mm%3D01nav_id%3D1801740
