Tekstet shkollore të shtëpisë botuese “Dukagjini” mund t’i gjeni edhe në Mitrovicë

Në librarinë “Real” në Mitrovicë, qytetarët kanë filluar blerjen e teksteve shkollore të shtëpisë botuese “Dukagjini” me interes të lartë.

Pronarja e librarisë, Arbnora Alidemaj, ka deklaruar se këtë vit blerësit janë më të qetë dhe kanë filluar të blejnë librat më herët, duke shmangur radhët e gjata të vitit të kaluar.

Ndërsa librat për klasat e para deri në të pestat janë plotësisht në dispozicion, për klasat e gjashta deri në të nëntat ka ende disa mungesa në tituj, por furnizimet priten të përfundojnë së shpejti.

“Interesimi i qytetarëve është normale, dhe tejet i lartë, mirëpo  ne jemi përgatitur më herët shitja po shkon mirë me rregull jo sikur vitin e kaluar si ka qenë fluks si madh që kanë pritur në rend. Qytetarët kanë filluar pak më herët blerjen e librave, janë pak më të qetë sesa vitin e kaluar. Me libra jemi pajisur mirëpo nuk e kemi furnizimin komplet. Prej klasës së parë deri në të pestën janë të gjitha libra por prej të gjashtës dhe të nëntës e kemi pak probleme me komplet titujt”, ka thënë ajo për TV Dukagjini.

Shtëpia botuese “Dukagjini” ka publikuar katalogun e teksteve shkollore për vitin 2024/25.

Nëpërmjet linkut më poshtë, ju mund ta shkarkoni ose ta shfletoni katalogun e teksteve shkollore për klasat 1-9, të aprovuara nga Ministria e Arsimit, Shkencës, Teknologjisë dhe Inovacionit e Kosovës. /Dukagjini/

 KATALOGU I BOTIMEVE SHKOLLORE 2014/25