Të rejat nga gara e fotografisë Wiki Loves Monuments 2015

FLOSSK (Kosovë) dhe Open Labs (Shqipëri) po organizojnë për herë të dytë garën e fotografisë së monumenteve Wiki Loves Monuments Kosovë dhe Shqipëri. Gara mbështetet nga Instituti i Kosovës për Mbrojtjen e Monumenteve.

Gara filloi më 2012 në Holandë si një provë e vogël që mblodhi 12,500 fotografi për Wikipedia. Më 2014 më shumë se 9,000 fotografë ngarkuan mbi 321.000 fotografi të licencuara lirshëm të ndërtesave historike, monumenteve dhe lokacioneve të trashëgimisë kulturore në 41 vende, duke përfshirë edhe Kosovën dhe Shqipërinë. Shqipëria dhe Kosova marrin pjesë së bashku për herë të dytë në Wiki Loves Monuments në frymën e bashkëpunimit kulturor në mes të dy vendeve.

Çdo konkurs kombëtar do të jetë në gjendje të emërojë 10 foto të tyre fituese për konkursin ndërkombëtar. Këto fotografi të emëruara do të gjykohen nga një juri ndërkombëtare, e cila më pas do të ndajë shpërblime shtesë për fotot më të mira nga të gjitha vendet pjesëmarrëse.

Afati për dorëzimin e fotografive është shtyer dhe tash është 7 tetor.

FLOSSK po i organizon disa sesione informuese në Prishtinë, Mitrovicë, Prizren, Gjakovë dhe Gjilan në peridhën 28 shtator – 1 tetor për të shpjeguar rregullat, demonstruar procesin e ngarkimit dhe përgjigjur pyetjeve të pjesëmarrësve potencial. Për t’u dhënë qasje në monumente të zgjedhura dhe njëkohësisht lehtësuar udhëtimin, FLOSSK poashtu ka përgatitur tri ekskursione me ciceronë që do të mbahen në vikendin e 3-4 tetorit. Për më shumë informata për garën dhe këto mundësi drejtojuni në http://wikilovesmonuments.al