20 vite pas – sulmet e 11 shtatorit në fotografi

Ishte një ditë e imazheve të pashlyeshme – apokaliptike, surreale, të dhunshme, monumentale ashtu edhe thellësisht personale. Ditë e dhimbshme për t’u kujtuar. E pamundur të harrohet.

Sulmet terroriste të 11 shtatorit u kapën në fotografi të panumërta nga fotoreporterët, kalimtarët, reaguesit e parë, kamerat e sigurisë, agjentët e FBI-së dhe të tjerë. Edhe një astronaut në Stacionin Ndërkombëtar të Hapësirës shkrepi disa.

Njëzet vjet më vonë, Associated Press ka përzgjedhur disa korniza të fotografëve të saj nga 11 shtatori 2001, kur rrëmbyesit përdorën aeroplanët komercialë si raketa dhe u përplasën me Qendrën Tregtare Botërore të New York-ut, Pentagonin dhe një fushë të Pensilvanisë.

Sulmet vranë gati 3,000 njerëz dhe rrëzuan kullat binjake 110-katëshe të qendrës tregtare, transmeton Telegrafi.

Këto fotografi dokumentojnë, madhështinë, kaosin dhe emocionet e 11 shtatorit në çdo shkallë, pamjet panoramike të tymit që ngrihen mbi horizontin e New York-ut deri në një skenë të ngushtë të fytyrës së shqetësuar, të një gruaje që nxiton në një rrugë të mbuluar me pluhur hiri. /Telegrafi/