Të gjithë sytë nga Kremlini, të premten hidhet shorti për Kampionatin Botëror “Rusia 2018” (Foto)

Këtë të premte (nesër), në orën 16:00, në Pallatin Shtetëror të Kremlinit do të hidhet shorti i fazës finale të Kampionatit Botëror “Rusia 2018”.

Do të jenë të pranishëm mbi 1300 të ftuar, ndër të cilët 30 trajnerë, nga 32 gjithsej, të skuadrave të kualifikuara, që janë të ndara në 4 vazo.

Nuk mund të mungonte në këtë event presidenti i Rusisë, Vladimir Putin, i cili do të takohet me disa nga legjendat e futbollit botëror.

Lexo po ashtu FIFA zbulon topin zyrtar “Telstar 18” për Kupën e Botës “Rusia 2018” (Foto)  

Gjatë hedhjes së shortit, ku në çdo grup do të jetë vetëm një skuadër për çdo vazo, duhet të respektohen disa kritere.

Në çdo grup duhet të jenë jo më shumë se dy skuadra evropiane, përcjell SS.

Kombëtaret që vijnë nga kontinentet e tjera, nuk mund të jenë në të njëjtin grup me përfaqësueset e së njëjtës konfederatë.

Lexo po ashtu Kombëtaret ndahen në katër vazo për Kampionatin Botëror, FIFA tregon edhe datën e hedhjes së shortit (Foto)

Përveç kritereve bazë, FIFA ka vendosur edhe disa rregulla të tjera për sa i përket shortit. Rusia, e vendosur në një gogël të kuqe në vazon e parë do të jetë skuadra A1, e para e grupit të parë.

Shtatë përfaqësueset e mbetura të vazos së parë do të jenë të parat e grupeve të mbetura nga B te H. Gjashtë nga tetë grupe do të kenë nga 2 skuadra evropiane, ndërsa dy vetëm nga një.

Ndarje e vazove dhe ekipet kombëtare: