Të dhëna shokuese për aksidentin e Emiliano Sala: Piloti David Ibbotson e kishte të ndaluar të pilotonte natën, pasi nuk i dallonte ngjyrat

Piloti i aeroplanit që u rrëzua në English Channel (La Manche) që e bartte futbollistin Emiliano Sala, nuk ka qenë i kualifikuar për të pilotuar natën – raporton BBC Wales.

David Ibbotson thuhet se nuk i ka parë ngjyrat (daltonist), prandaj e ka pasur të lejuar ta drejtojë aeroplanin vetëm gjatë orëve të ditës.

David Ibbotson is thought to have been colour-blind, which prevents pilots from flying at nighthttps://t.co/y8MsoJziV8

— BBC Wales News (@BBCWalesNews) March 30, 2019

Futbollisti Emiliano Sala e humbi jetën në moshë 28 vjeçare, pasi aeroplani u rrëzua mbrëmjen e 21 janarit, teksa po e dërgonte nga Nantes për në Cardiff (klub me të cilin kishte nënshkruar).

Lexo po ashtu Të gjitha lajmet nga Emiliano Sala

Autoriteti i Aviacionit Civil (CAA) nuk e ka komentuar rastin, ndërsa dega e hetimeve të aksidenteve ajrore (AAIB) ka thënë se leja e tij e pilotimit vazhdon të jetë në qendër të hetimeve të këtij aksidenti tragjik.

BBC mëson se autoriteti rregullativ e ka konfirmuar se Ibbotson nuk ka pasur vlerësim për të pilotuar natën, mirëpo të drejtën për ta drejtuar aeroplanin ia ka dhënë një leje amerikane që ia mundësonte ta drejtojë aeroplanin Piper Malibu në Evropë.

Piloti Ibbotson e humbi jetën së bashku me Sala në aksidentin tragjik që e shokoi botën e futbollit. /Telegrafi/