Taulant Dajaku ka një mesazh për bashkëlojtarët

Drenica kërkon që ta harrojë sa më shpejt humbjen nga rivali i raonit, Feronikeli dhe këtë synon ta bëjë qysh sot, në përballje me Istogun, në ndeshjen e vlefshme për javën e pestë të Superligës.

Mesfushori i Drenicës, Taulant Dajaku, ka deklaruar për Gazetën Tribuna se pikët në ndeshjen kundër Istogut, janë shumë të rëndësishme.

Ai ka shtuar se gabimet që janë bërë në ndeshjet kaluara nuk duhet të përsëriten.

“Do jetë një ndeshje e vështirë pasi të dy ekipet vijnë nga rezultate negative në ndeshjet e fundit dhe pikët janë të rëndësishme për te dyja. Ne besojmë që bashkë me përqendrimin maksimal tonin dhe mbështetjen e publikut të krijojmë një atmosferë të mirë në mënyrë që të dalim fitues nga ky takim. Të shpresojmë që gjitha gjërat këtë herë do na ecin mbarë, pasi ne dy ndeshet e fundit sado që kemi krijuar raste dhe kemi shënuar, ne kemi marr gola me gabime drastike. Uroj që kjo gjë të mos përsëritët me”, tha Dajaku.

Ndeshja ndërmjet Drenicës dhe Istogut, do të luhet sot prej orës 16:00 në stadiumin “Bajram Aliu” në Skenderaj.