Taravari: Pacienti që ndërroi jetë kishte djegie 40% të trupit, nga 1 prilli nuk i kanë punuar as veshkat

Ministri i Shëndetësisë Arben Taravari ka konfirmuar se ka edhe një viktimë nga tragjedia në Koçan. I ndjeri, i cili po trajtohej në Lituani, kishte 40 për qind djegie dhe më 1 prill, veshkat i kishin punuar. Sipas informacioneve fillestare bëhet fjalë për Aleksandar Karadakoski, menaxher i diskotekës “Pulse”, përcjell Telegrafi Maqedoni.

Lexo po ashtu Ndërron jetë njëri nga të lënduarit e zjarrit tragjik në Koçan, numri i viktimave arrin në 60

Ky pacient ishte një nga katër pacientët që ishin në gjendje kritike.

“Prej 1 prillit i kanë pushuar veshkat, praktikisht është vënë në dializë. Fatkeqësisht sot në mëngjes mora lajmin e keq se ai kishte ndërruar jetë. Le të shpresojmë që të tjerët kritikë të përmirësojnë gjendjen e tyre. Pacienti që vdiq kishte djegie në 40 për qind të trupit. Në fund, problemi kryesor ishte infeksioni që mori për shkak të sipërfaqes së madhe të plagëve që ishin në trup. Të shpresojmë që pacientët tjerë kritikë të ecin më mirë dhe të kthehen në vendin tonë”, tha Taravari.

Burime nga MPJ për AIM njoftojnë se ka filluar procedura për kthimin e trupit të pacientit./Telegrafi/