Talebanët vranë një nga udhëheqësit e rezistencës afgane

Talebanët ekzekutuan vëllain e ish-nënpresidentit afgan, Amrulah Saleh, i cili ishte një nga drejtuesit e Frontit Kombëtar të Rezistencës në Provincën Panshir. Kjo u njoftua sot nga nipi i tij.

Lajmi për ekzekutimin e vëllait të Saleh, Rahulah Azizi vjen disa ditë pasi talebanët morën kontrollin e Panshir, provinca e fundit që u rezistoi atyre.

“Ata vranë xhaxhain tim. E vranë dje dhe nuk na lejojnë ta varrosim. Ata vazhdojnë të thonë se trupi i tij duhet të kalbet”, tha Ebadulah Saleh në një mesazh me tekst, raporton reuters.

Një urdhër nga shërbimi i informacionit taleban në Urdu, Alemara, thotë se Rohulah Saleh u vra gjatë luftimeve në Panshir.

Amrulah Saleh, i cili e deklaroi veten “president të përkohshëm” pasi Ashraf Ghani u largua nga vendi kur talebanët pushtuan Kabulin më 15 gusht, u largua nga Panshir dhe vendndodhja e tij nuk dihet.

Talebanët njoftuan të hënën se krahina u pushtua pas disa ditësh luftimesh intensive dhe humbjeve të mëdha nga të dyja palët.

Panshir ishte pjesa e fundit e Afganistanit ku talebanët nuk kishin kontroll të plotë, dhe përfshin lëvizjen anti-talebane Fronti Kombëtar i Rezistencës (NRF), e cila u mobilizua nën udhëheqjen e Ahmad Masood, heroit të vrarë të rezistencës anti-sovjetike , Ahmad Shah Masood. /Telegrafi/