Sulmuesi i Gjilanit paralajmëron Feronikelin

Sulmuesi i Gjilanit, Dren Gashi, që në këtë kampionat ka shënuar dy gola dhe renditet në mesin e shënuesve më të mirë të kampionatit, beson fuqishëm se pikët do të mbesin në Gjilan, ani pse katër futbollist të përbërjes së parë do të mungojnë për shkak të kartonëve.

“Dihet që jemi të hendikepuar pasi që në këtë ndeshje do të mungojnë 4 futbollistë, për arsye se në lojën e kaluar kundër Hajvalisë janë ndëshkuar me karton të kuq 3 lojtarë, kurse me Drenicën para asaj ndeshje është ndëshkuar një futbollist tjetër. Besoj që Gjilani ka fond të mjaftueshëm të lojtarëve që të përballet kundër Feronikelit, po ashtu e kemi edhe përkrahjen e tifozëve. Luajmë në shtëpinë tonë, ku besoj fuqishëm se pikët do të mbesin në Gjilan”, ka deklaruar Gashi për Gazetën Tribuna.

Gjilani në katër ndeshjet e deritanishme, ka tri fitore dhe një humbje dhe me 9 pikë, zë pozitën e tretë.

Në anën tjetër, Feronikeli renditet i pari me 12 pikë, pas katër fitore radhazi.

Ndeshja ndërmjet Gjilanit dhe Feronikelit do të luhet sot prej orës 16:00 në stadiumin e qytetit në Gjilan