Një person ka informuar se është sulmuar fizikisht nga dy persona të maskuar.
Sipas raportit të Policisë së Kosovës, bëhet e ditur se ngjarja ka ndodhur të mërkurën rreth orës 00:00, në Leposaviq.
Tutje bëhet e ditur se të njëjtit i kanë hequr edhe targat e veturës së tij, e ndërsa rasti është duke u hetuar.
“Ankuesi mashkull kosovar ka informuar se është sulmuar fizikisht nga dy të dyshuar të maskuar, ku të njëjtit i kanë hequr edhe targat e veturës së tij. Rasti është duke u hetuar”, thuhet në raport. /Telegrafi/
