Sulmi duket i vendosur tashmë, ylli i ri i Real Madridit mund të kërkojë largimin në janar nëse nuk merr minuta

 Real Madridi ka vendosur treshen e sulmit për këtë vit, pasi në dy ndeshjet e para kundër Atalantës dhe Mallorcës luajtën me Kylian Mbappe, Vinicius Junior dhe Rodrygo Goes, ndërsa  Jude Bellingham është vendosur pas  tyre. 

Edhe pse është vetëm fillimi, duket se këto do të jenë preferencat e Carlo Ancelottit për këtë sezon. 

Pavarësisht se ndeshja me Mallorcan doli e vështirë, Brahim Diaz luajti vetëm 12 minuta lojë, ndërsa edhe Arda Guler u përdor pak.  

Megjithatë, nënshkrimi tjetër i ri i Real Madridit këtë verë, Endrick Felipe , nuk doli fare në fushë. 

18-vjeçari nënshkroi nga Palmeiras këtë verë për 40 milionë euro plus 20 milionë euro bonuse, por minuta këtë fillim sezoni po mungojnë.  

I riu brazilian dëshironte të shfrytëzonte mundësinë e tij në Real Madrid në fillim të sezonit, por sipas AS, Endrick do të konsiderojë largimin nga klubi në janar nëse nuk merr kohë të mjaftueshme për lojë. 

E njëjta gjë ndodhi me Arda Guler sezonin e kaluar, megjithëse fillimisht për shkak të dëmtimit, por në rastin e Endrick, ai dëshiron të mos pengojë përparimin e tij.  

Një pjesë e arsyes lidhet edhe me ekipin kombëtar brazilian – pasi ai është bërë lojtar i Selecaos gjatë vitit të kaluar, por nëse do të ndalonte së luajturi rregullisht, rrezikon gjithashtu të largohet nga skuadra, ndërsa Kupa e Botës është në më pak se dy vite larg. /Telegrafi/