Të paktën 25 persona janë vrarë dhe disa të tjerë janë lënduar për shkak të sulmit me bombë në një treg të zënë në kryeqytetin irakian, Bagdad, thonë burimet e sigurisë.

Sipas BBC, përcjell Telegrafi, pajisja shpërtheu në një treg, në zonën veriore të qytetit Sadr, derisa familjet u përgatitën për festivalin islamik të Kurban Bajramit të martën.

Ky ishte sulmi me bombë më vdekjeprurës në Bagdad në gjashtë muaj.

Irak 1

Nuk dihet ende se kush ishte prapa këtij sulmi, por sipas BBC, dyshimi do të bjerë mbi grupin e Shtetit Islamik (IS).

Qeveria irakiane shpalli fitoren në luftën e saj kundër grupit xhihadist mysliman suni në fund të vitit 2017. /Telegrafi/

AziaBotë