Suhareka me triumf spektakolar ndaj Llapit, llapjanët 10 ndeshje pa fitore

Suhareka është rikthyer te fitoret, pasi ka mposhtur Llapin me rezultat të thellë 3-0.

Skuadra e Qëndrim Kidës brenda shtatë minutave në pjesën e parë ka shënuar tre gola.

Mevlan Zeka hapi serinë e golave në minutën e 15-të duke shënuar për 1-0.

Vetëm dy minuta më vonë, Rexhaj u gjend bukur afër golit dhe realizoi për 2-0.

Ndërkohë për ta siguruar fitoren u përkujdes mbrojtësi Eneid Kodra që shënoi në minutën e 22-të për ta trefishuar epërsinë.

Me rezultatin 3-0 u mbyllën 45 minutat e para të kësaj sfide.

Në pjesën e dytë vendasit menaxhuan mirë rezultatin dhe në fund realizuan edhe golin e katërt.

Ishte mesfushori Lorik Boshnjaku që realizoi një gol të bukur për rezultatin përfundimtar 4-0.

Ndërkohë kriza e Llapit vazhdon pasi janë bërë 10 ndeshje pa fitore në Albi Mall Superligë.

Me këtë fitore Suhareka ka 22 pikë në pozitën e pestë në tabelë, derisa Llapi është e shtata në tabelë me 17 pikë.

Në xhiron e ardhshme Suhareka luan në udhëtim te Malisheva, derisa Llapi do të luaj sërish në Suharekë, por kësaj radhe ndaj Ballkanit. /Telegrafi/