Stuhia e fuqishme shkulë pemët në Francë, mijëra konsumatorë mbesin pa energji elektrike – anulohen linjat hekurudhore

Pemët e shkulura janë pasojë e erërave që lëviznin me shpejtësi prej 100 kilometra në orë, që goditën sot pjesën më të madhe të Francës, me një alarm ngjyrë portokalli të lëshuar nga 14 departamente, si dhe paralajmërimin për ndërprerje të energjisë elektrike dhe anulimin e linjave hekurudhore.

Rreth 75 mijë konsumatorë kanë mbetur pa energji elektrike mëngjesin e sotëm në perëndim dhe në qendër të vendit, njoftoi operatori i rrjetit Enedis, transmeton Telegrafi.

Kompania shtetërore hekurudhore SNCF, raportoi vështirësi në trafik për shkak të pemëve në shina.

Cikloni i quajtur Gerard është “një stuhi dimri tipike për këtë periudhë të vitit, por kërkon kujdes të veçantë”, thotë Meteo France, i cili parashikon “dobësim të intensitetit të tij” të hënën pasdite.

Rreth mesditës, Meteo France mbajti një nivel alarmi portokalli në 14 departamente për shkak të erërave të forta. Në bregdet, në Kepin Raz në departamentin e Finistere në Brittany, në perëndim të largët të vendit, erërat frynin me shpejtësi prej 158 km/h. Në Caen është matur shpejtësia e erës prej 119 km/h në afërsi të Normandisë gjatë mëngjesit.

Pas motit jashtëzakonisht të ngrohtë, Franca përjetoi një të ftohtë këtë javë. Një tjetër stuhi, Fien, pritet në jugperëndim në ditët në vijim.

Një alarm portokalli është shpallur në dy reparte për shkak të borës së madhe që filloi të bjerë mëngjesin e së hënës, dhe pritet të qëndrojë në tokë në lartësinë 600 deri në 800 metra. /Telegrafi/

#SevereWeather 📹
Strong winds and heavy snowfall ❄️ in France.

In the last few hours, the passage of #StormGérard 🌀 has left a very adverse weather situation in several regions of the country. pic.twitter.com/59WlMuFbbU

— Meteored | YourWeather (@MeteoredUK) January 16, 2023