Spasovski: Policia ende heton Grujovskin dhe Boshkovskin

Ministri për Punë të Brendshme, Oliver Spasovski, sot ka deklaruar se është duke u punuar në gjurmët e ish-drejtorit të Administratës së pestë, Goran Grujovski dhe Nikolla Boshkovski, të cilët akuzohen në rastet ‘Shënjestër’ dhe ‘Kështjella’, të paraqitura nga PSP-ja, përcjell Telegrafi Maqedoni.

”Duke marre parasysh hetimin dhe procedurat, nuk mund të dalim me detaje, megjithatë të gjithë informacionet të cilët i kemi së bashku me PSP-në, e cila është kompetente për këtë rast, jemi duke punuar në atë që t’i sigurojmë këto dy persona për organet e ndjekjes dhe të mund të vazhdojë procedura e cila zbatohet për këtë rast”, ka theksuar ministri Spasovski, duke u përgjigjur në pyetjen e gazetarëve pas vizitës së tij në SPB-Shkup.

Ai më tej shtoi se nuk kanë njohuri nëse Grujovski apo kushdo qoftë i akuzuar në rastin përkatës, kanë dy shtetësi.

Grujovski dhe Boshkovski, më shumë se dy muaj janë në arrati, prej momentit kur Gjykata e Lartë pas prolongimit shumë ditor u shqiptoi paraburgim çka paraprakisht caktoi Gjykata penale. Ndaj tyre poashtu është lëshuar edhe flet arres ndërkombëtar. /Telegrafi/