Sot vazhdon diskutimi për shkarkimin e Marko Zvrlevskit

Deputetët e Kuvendit të Maqedonisë sot për të 12-tën herë do ta vazhdojnë seancën e gjashtë, në të cilën diskutohet për shkarkimin e prokurorit publik, Marko Zvrlevski.

Seancën e djeshme e karakterizuan seria e replikave dhe kundër-replikave të deputetëve të opozitës dhe pozitës, përcjell Telegrafi Maqedoni.

Sipas deputetëve të OBRM-PDUKM-së opozitare, kërkesa e Qeverisë për shkarkimin e prokurorit është e pa bazë dhe e pa agrumentuar. Ato përsëri i referohen nenit 8 të rregullores zgjedhore sipas të cilit, thonë deputetët e opozitës, asnjë procedurë për emërim ose shkarkim të funksionarëve nuk guxon të bëhen në kohë kur ka zgjedhje të shpallura.

Kjo seancë, sipas tyre, bëhet me qëllim të defokusimit të publikut nga temat e rëndësishme aktuale siç janë borxhet, zjarret dhe refugjatët.

Ndërsa nga LSDM-ja, përsëritën qëndrimin e tyre se nuk marrin pjesë në diskutime të pakuptimta ku qëllimi i vetëm i OBRM-PDUKM-së është pengimi i arritjes së drejtësisë në vend dhe të zgjasin seancat duke bërë replika të kota.

Seanca e sotme do të fillojë në orën 11./Telegrafi/