Sot pritet protesta e opozitës para bashkisë së Tiranës, policia publikon plan masash

Mbahet sot (15 gusht) protesta e radhës nga opozita para bashkisë së Tiranës. Duke marrë shkas nga tubimi, policia ka marrë disa masa.

Sipas njoftimit të policisë, disa rrugë në kryeqytet do të bllokohen në varësi të lëvizjes së protestuesve.

Protesta pritet të fillojë në orën 9:30, ndërkohë që policisë apelon qytetarët që të shmangin lëvizjen në zonën ku do të zhvillohet protesta.

Njoftimi i Policisë:

Për shkak të zhvillimit të një tubimi, ditën e sotme, në orën 11:00, përpara Bashkisë Tiranë, do të ketë bllokime të disa segmenteve rrugore, si dhe bllokime të pjesshme të disa segmenteve të tjera në varësi të lëvizjes së tubuesve.

Njoftojmë qytetarët se sot, prej orës 09:30 e deri në përfundim, do të ketë bllokim të përkohshëm të qarkullimit të mjeteve, në bulevardin kryesor pranë Bashkisë së Tiranës.

Policia apelon për të gjithë qytetarët që të shmangin lëvizjen në këto akse rrugore dhe të përdorin rrugë alternative, deri në përfundim të tubimit, si Unaza e Mesme dhe Unaza e Madhe.