Sony prezantoi Xperia 5 IV: Bateri më e madhe, karikim me valë

Kompania Sony ka prezantuar zyrtarisht një smartphone të ri të quajtur Xperia 5 IV.

Në pamje, smartfoni i ri është pothuajse identik në përmasa me modelin Xperia 5 III, dhe megjithëse është 1 mm më i shkurtër dhe më i ngushtë, ai është ende 4 gram më i rëndë. Ekrani OLED 6.1 inç me rezolucion 1080 x 2520 piksele me shpejtësi të ndryshueshme rifreskimi 120 Hz tërheq më shumë vëmendjen dhe paneli i ri është 50 për qind më i ndritshëm se ai i vjetër.

Bateria është 10 për qind më e madhe me një kapacitet prej 5000 mAh, e cila mund të karikohet deri në 50 për qind në 30 minuta nëpërmjet një karikuesi PD 30 W. Sony premton se bateria do të mbetet “e shëndetshme” deri në tre vjet.

Megjithatë, karikuesi blihet veçmas dhe madje edhe kablloja USB pasi Sony ka hequr të gjithë plastikën nga paketa shumë kompakte. Në një shënim pozitiv, Xperia 5 IV përmban karikim me valë, i pari për serinë 5.

Sa i përket kamerave, ka tre kamera në anën e pasme, kryesore, ultra të gjerë dhe telefoto me 12 MP secila.

Të tre lentet kanë fokusim automatik, ndërsa lentet e gjera dhe telefoto kanë stabilizim optik.

Kamera e përparme selfie është gjithashtu 12 MP.

Pajisja mundësohet nga një procesor Snapdragon 8 Gen 1, i cili kombinohet me 8 GB RAM dhe 128 ose 256 GB memorie të brendshme. Ekziston edhe një slot microSD për zgjerimin e memories, dhe telefoni inteligjent ka gjithashtu një fole kufjesh 3.5 mm.

Pjesë e pajisjes janë altoparlantët stereo, si dhe “audio magjia” duke përfshirë teknologjinë Dolby Atmos, Hi-Res Audio, DSEE Ultimate dhe 360 Reality Audio.

Smartphone është rezistent ndaj ujit dhe pluhurit sipas standardit IP68, dhe mbrohet nga xhami Gorilla Glass Victus në të dyja anët.

Shitjet në Evropë fillojnë këtë muaj me një çmim prej 1,049 euro, dhe pajisja do të jetë në dispozicion në ngjyrën jeshile, të zezë dhe të bardhë Ecru. /Telegrafi/