Sondazh nga Pyper: 73.20% e qytetarëve mendojnë se privatësia e individëve do të jetë më e vogël në të ardhmen shkaku i inteligjencës artificiale

Zhvillimi i teknologjisë ka ndikuar në përditshmërinë e shumë njerëzve, madje edhe në punësimin e tyre. Këtë e tregon edhe sondazhi i fundit i kryer nga Pyper ku 40.05% e qytetarëve tregojnë se teknologjia ka ndikuar në përzgjedhjen e profesionit të tyre, ndërsa 39.3% shprehen se ka ndikuar deri diku tek ata.

Të pyetur po ashtu se çfarë ndikimi mendojnë se do të ketë teknologjia e së ardhmes në jetët e tyre, pjesa më e madhe ishin optimist rreth kësaj. 85% e qytetarëve u përgjigjën se në përgjithësi do të ketë ndikim të mirë. Ndërsa 15% u përgjigjën se do të ketë ndikim të keq.

Megjithatë, 73.2% qytetarëve në shkallë të ndryshme pajtohen se si rezultat i zhvillimit së inteligjencës artificiale do të zvogëlohet nevoja që njerëzit të bashkëpunojnë mes vete.

Përveç kësaj, qytetarët e anketuar shprehen të shqetësuar sa i përket privatësisë së tyre. 73.20% e qytetarëve mendojnë se privatësia e individëve do të jetë më e vogël në të ardhmen si rezultat i inteligjencës artificiale. Për dallim, 6.7% mendojnë se privatësia do të jetë edhe më e madhe. /Telegrafi/