Sokoli: Belgjika ka bankën rezervë më të fortë në Botëror

Bylbyl Sokoli ka qenë njëri prej mysafirëve në emisionin Dueli Botërorit që transmetohet çdo ditë në RTV Dukagjini nga ora 22:30.

Së bashku me të ftuarit e tjerë, trajneri i njohur i ka komentuar ndeshjet që u zhvilluan të shtunën, në kuadër të fazës grupore të Kampionatit Botëror.

Një takim që la mbresa, ishte ai ndërmjet Belgjikës dhe Tunizisë, në të cilin u shënuan më së shumti gola deri më tani në turneun që po zhvillohet në Rusi, kombëtarja evropiane fitoi me rezultat 5-2.

Sipas analistit të futbollit në emisionin Dueli Botërorit, pos formacionit bazë, belgët mund të krenohen edhe me lojtarët e tyre rezervë që janë shumë të fortë.

“Banka (rezervë) e Belgjikës është më e forta në këtë Kampionat. Nuk ka bankë më të fortë”, është shprehur Sokoli.

https://youtu.be/CwcAHgmlfuI

Ai ka thënë se në këtë Botëror, lojtarët belgë po funksionojnë shumë më mirë si grup, prandaj nuk mungojnë sukseset.

Belgjika i ka regjistruar dy fitore bindëse në dy ndeshjet e para në kuadër të Grupit G (3-0 kundër Panamasë dhe 5-2 kundër Tunizisë). /Telegrafi/

https://www.youtube.com/watch?v=HzMHPb-qPI8