Softueri ri i mundëson GoPro Fusion të merr imazhe për Google Street View (Foto)

Kamera GoPro 360 tani mund të merr imazhe edhe për Google Street View, kanë bërë të ditur zyrtarë të kompanisë Panoskin, që e kanë zhvilluar softuerin që i mundëson GoPro Fusion të merr pamjet për hartat virtuale.

Ky softuer përdorë të dhënat e GPS-it të ngulitura në Fusion për të hartuar pamjet, në hapësirën e duhur të Google Street View, transmeton Telegrafi.

Programi i desktopit, që është në dispozicion në formën beta, mund t’i konvertojë pamjet për disa minuta.

Panoskin, deri më tani ka zhvilluar softuerë shumë projekte, përfshirë edhe mundësinë e pamjeve të enterierëve me 360 shkallë për Google. Instrumenti i ri, i mundëson kompanisë të zgjerojë pamjet edhe për ambientet e jashtme.

Me anë të softuerit të ri, mund të plotësohen shumë ambientet e hartave, veçanërisht zonat turistike, lokalet, zonat e shëtitjes, skijimit dhe rrjedhave të ujërave.

Bizneset mund ta shfrytëzojnë këtë përditësim, që të japin sa më shumë të dhëna dhe detaje në Google Street View, për mallrat dhe shërbimet që i ofrojnë. /Telegrafi/