Sllaveski: Taksa progresive do të thotë rritje të ekonomisë së zezë

Ministria e Financave me tatime progresive vendosi të kundërshtojë të gjithë komunitetin e biznesit që kërkoi vonesë prej së paku 5 vitesh të rritjes së taksave për shkak të pasojave jashtëzakonisht të dëmshme që do të shkaktonte për sektorin e biznesit, tha për konferencën për shtyp anëtari i OBRM-PDUKM-së, Trajko Sllaveski, i cili është gjithashtu një ish-ministër i financave, përcjell Telegrafi Maqedoni.

“Jo vetëm që do të goditet sektori i biznesit gjegjësisht ndërmarrjet në Republikën e Maqedonisë, rritja e taksës do të ndikojë drejtpërsëdrejti në pagat e punonjësve që do të preken nga kjo masë, sepse në sistemin në të cilin paga bruto paguhet punëdhënësit nuk do të jenë të gatshëm të rrisin pagat në kurriz të rritjes së taksave dhe kjo nënkupton uljen e pagave të të punësuarve”, tha Sllaveski.

Pas futjes së taksimit progresiv, Sllaveski pret presion mbi kompanitë që të rrisin çmimet për shkak të rritjes së kostove të punës, e cila do të rrisë normën e inflacionit. Për më tepër, rritja e tatimit mbi të ardhurat personale thjesht nënkupton paga neto më të ulëta sepse kjo do të thotë se punëdhënësit nuk do të mbajnë barrën shtesë fiskale. Sllaveski thotë se taksat në rritje, çka është shumë e rëndësishme, gjithashtu do të thotë rritje e evazionit fiskal.

Ai kujton se dhe grupacioni Maqedonia 2025, për të cilën biznesmenët e Maqedonisë ose biznesmenët nga jashtë që kanë preardhje nga Republika e Maqedonisë, nuk pajtohen me taksimin progresiv, ku sipas tyre mund të zvogëlojë numrin e të punësuarve dhe të reduktojë investimet e ardhshme.

Lexo po ashtu Qeveria e Maqedonisë ul tatimin e sheshtë dhe sjell tatimin progresiv

Për paralajmërimin e ndryshimeve në sistemin pensional, Sllaveski tha se bëhet fjalë për “ndryshime kozmetike”./Telegrafi/