Skeptikja e vaksinave zbulon se çfarë i tha vajza e saj, që i ndryshoi mendjen për t’u vaksinuar

Laurel Brumant-Palmer nga Londra është një autore dhe artiste. Pasi fillimisht ishte e rezervuar, ajo ka marrë dozën e saj të parë të vaksinës kundër Covid-19.

Sipas mediave britanike, përcjell Telegrafi, 57-vjeçarja shpjegon pse diçka që vajza e saj tha ndryshoi mendjen e saj për gjithçka.

Laurel tha: “Unë e kisha dozën e parë të vaksinës më 8 shkurt. Ishte e vështirë, sepse kur dëgjova për herë të parë për vaksinën isha mjaft e sinqertë dhe thashë: ‘Unë nuk po e bëj atë’”.

“Por diçka që vajza ime më tha më ndryshoi mendim. Ajo tha: ‘Duhet të mendosh se çfarë do të ndodhë nëse do të prekesh nga Covid-19’. Unë kisha humbur njerëz mjaft të afërt dhe mendova: ‘Nuk do të lejoj që familja ime të më shikojë ashtu. Nuk do të ishte e drejtë’”.

“Unë duhej të mendoja për atë që ishte më e mira për njerëzit rreth meje dhe vajzën time”.

Veç saj, rreth vaksinës është deklaruar edhe Dr. Temi Odejide, 48 vjeç, pastor rezident në House on the Rock në Londër.

“Unë ende nuk e kam marrë vaksinën sepse ende nuk jam në grupin e moshës, por kur të jem, patjetër që do ta marr, do të jem i pari në radhë! Unë në fakt jam një mjek duke u trajnuar nga Nigeria, nga e kam origjinën. Këtu në Mbretërinë e Bashkuar nuk praktikoj mjekësi, por njohuritë e mia mjekësore tashmë më japin pak histori dhe njohuri rreth vaksinave”, ka thënë ai.

“Unë kam parë uljet dhe ngritjet e virusit në Nigeri, kam parë ku nuk përdoren vaksinat dhe ndikimin që ajo ka në komunitet. Dhe unë kam parë se si jetët ndryshojnë në mënyrë dramatike aty ku përdoren vaksinat. Kështu që përgjithësisht më bën të predispozuar drejt vaksinimit. Por arsyetimi im personal është të mbroj veten dhe të gjithë rreth meje”, ka theksuar më tej Odejide. /Telegrafi/