Skena shokuese në derbin e Melburnit: Portieri përfundon i gjakosur

Derbi i Melburnit u anulua pas skenave tronditëse në orët e para të ditës ë shtunës (sipas kohës tonë lokale), ndërsa tifozët pushtuan fushën dhe sulmuan portierin e Cityt në “AAMI Park”.

Të zemëruar me vendimin e A-League për të dërguar tre finalet e ardhshme të mëdha në Sydney, tifozët po planifikonin të organizonin një dalje masive në minutën e 20-të për të shprehur pakënaqësinë e tyre me vendimin.

Megjithatë, temperamenti vloi dhe në minutën e 21-të, tifozët hynë në fushë dhe portieri i Cityt, Thomas Glover u sulmua, me një kosh të vogël plehrash të përplasur në fytyrën e tij nga ata të Melburn Victory.

24-vjeçari ka mbetur i përgjakur dhe loja është ndërprerë, para se të anulohej më pas.

Pamjet kanë dalë që nga ajo kohë që tregojnë tifozët pas portës duke pushtuar në fushë menjëherë pasi Glover hodhi përsëri një fishekzjarrë në turmë.

Që nga fillimi i Ligës A në vitin 2005, klubeve u është dashur të fitojnë të drejtën për të pritur finalen e madhe bazuar në mënyrën se si ata performuan në serinë e finaleve. Vendimi i NSË bie ndesh me traditën e A-League. /Telegrafi/