“A s’je ti në burg a?”, deputetja e LDK-së bën shaka kur sheh Pal Lekajn në Komision

Prezenca e deputetit të Aleancës për Ardhmërinë e Kosovës, Pal Lekaj, në mbledhjen e Komisionit Parlamentar Hetimor në lidhje me rezervat shtetërore të martën, ka ngjallur të qeshura mes deputetëve.

Kjo pasi Lekaj është shpallur fajtor dhe dënuar nga Gjykata me 3 vjet e 8 muaj burgim lidhur me ekzekutimin e 53 milionë eurove për kompaninë “Bechtel & Enka” e cila ishte kontraktuar për ta ndërtuar autostradën “Arbën Xhaferi”.

Lexo po ashtu Vendimi i gjykatës për "53 milionëshin", historia e kontratës që mund ta dërgojë në burg Pal Lekajn

“A s’je ti në burg a?, ishte pyetja me të cilën deputetja e Lidhjes Demokratike të Kosovës, Valentina Bunjaku-Rexhepi iu drejtua kolegut të tij, Lekaj.

“Edhe pak”, ishte përgjigjja e Lekajt, që u pasua me të qeshura nga deputetët tjerë.

Ish-Ministri i Infrastrukturës, Pal Lekaj, është dënuar me 3 vjet e tetë muaj burg efektiv në lidhje me pagesën prej 53 milionë eurove që Qeveria e Kosovës i kishte paguar “Bechtel-Enkës” për zgjatjen e afatit të përfundimit të punimeve në autostradën ‘Arbën Xhaferi’.

Lekajt i është shqiptuar edhe dënim plotësues ku i ndalohet ushtrimi i funksionit publik në administratë publike për 3 vite e gjashtë muaj.

Ndërkohë, avokati i tij, Musa Damati ka deklaruar se do ta apelojë vendimin./Telegrafi/