Situatë kaotike rrugëve të Kabulit, qytetarët ikin nga paniku dhe frika e talebanëve – pamje të plaçkitjeve në mes të ditës në qendër të qytetit  

Rrugët që çojnë drejt kryeqytetit të Afganistanit janë ngufatur nga veturat e shumta, pasi që qytetarët e kapluar nga paniku e frika e talebanëve, po bëjnë çmos që të ikin nga Kabuli.

Siç raporton BBC, talebanët u futën mbrëmë në Kabul, por siç bën të ditur zëdhënësi i tyre, ata duan një kalim paqësor të pushtetit, transmeton Telegrafi.

Presidenti afgan Ashraf Ghani mbrëmë u largua nga vendi, dhe raportohet se ka shkuar në Taxhikistan së bashku me një pjesë të kabinetit të tij.

Farzana Elham, deputete në Kabul ka thënë për BBC se banorët janë të frikësuar dhe po mundohen të largohen nga qyteti apo të fshihen nëpër shtëpitë e tyre.

Ata gjithashtu po shkojnë në masë të madhe nëpër banka për të tërhequr paratë që i kanë kursyer, nga frika se do t’i humbin të gjitha me ardhjen e talebanëve.

Looting in the streets of Kabul still going on in the name of Talibs – Video of Snatching Land Cruiser V8 from a Local #Kabul #Talibans @Natsecjeff @RegnlTelegraph @IntelCrab @AuroraIntel @bsarwary @MJalal700 @Ayubi78 pic.twitter.com/sgNi6MIS6V

— Adil Ajmal (@AdilAjmal93) August 16, 2021

E të burgosurit në Kabul janë liruar nga ana e talebanëve që bënin thirrje për kalim paqësor të pushtetit. Disa pjesë të Kabulit tashmë janë në duar të talebanëve, e të jetosh në këto zona është tmerr i vërtetë ka thënë Elham, banore e kryeqytetit afgan.

“Disa po ikin prej tyre, e disa po fshihen nëpër shtëpi”, ka shtuar ajo.

ESCAPE FROM KABUL: Abandoned cars line the streets and traffic comes to a standstill in Kabul as thousands rush to flee as the Taliban seizes Afghan capital. https://t.co/XxpwUCZ20A pic.twitter.com/uS4cF76gAL

— ABC News (@ABC) August 16, 2021

Tashmë shumica e qyteteve të mëdha kontrollohen nga talebanëve e në rrjetet sociale janë shfaqur pamje se si talebanët po plaçkitin nëpër rrugët e Kabulit. /Telegrafi/