Sistemi VAR, “shoku i ngushtë” i Gjeorgjisë në Euro 2024

Një gjë është e sigurt, sistemi VAR do të krijojë gjithmonë pakënaqësi për njërën palë, vetëm pyesni ekipet e Ligës Premier. Por, e njëjta nuk mund të thuhet për Gjeorgjinë, pasi fakti që ata janë në fazën e 1/8 së finales është pikërisht për shkak të këtij sistemi.

A do të kualifikohej Gjeorgjia në fazën e 1/8 së finales nëse VAR-i nuk do të kishte ekzistuar?

Askush nuk e di përgjigjen e kësaj pyetje, Ndoshta as nuk do të arrinte kualifikimin në Kampionatin Evropian në radhë të parë. Gjëja e vetme që është e sigurt është se ky sistem ka ardhur për të servuar drejtësi në fushë, a e arrin këtë është tjetër çështje.

Ky sistem i ka dhënë gjeorgjianëve atë që gjyqtari kryesor në fushë fillimisht ua kishte mohuar atyre.

VAR e ka favorizuar ekipin e Willy Sagnol në katër raste të ndryshme, duke filluar që nga play-off-i i gjysmëfinales ndaj Luksemburgut. Gjeorgjia po fitonte 1-0 kur në minutën e 53-të Luksemburgu shënoi për të barazuar shifrat në 1-1.

Pastaj, gjyqtari kryesor në VAR, Sanchez Martinez e anuloi atë për shkak të një faulli të shkaktuar gjatë atij aksioni vetëm 45 sekonda para golit. Situata ndryshoi drastikisht pastaj: goli u anulua, faull për Gjeorgjinë dhe karton i kuq për Chanot të Luksemburgut.

Një tjetër skenar që është përsëritur tri herë në Euro 2024. Në ndeshjen hapëse ndaj Turqisë (3-1), VAR-i i anuloi Turqisë golin në minutën e 28-të pasi Kenan Yildiz ishte në pozicion jashtë loje. Në barazimin 1-1 ndaj Republikës Çeke, ishte pak a shumë e njëjta. Gjyqtari në VAR e anuloi golin e Adam Hlozek për 1-0 për shkak të prekjes së topit me dorë.

Lexo po ashtu Kush është Georges Mikautadze?  Dështimi i Ajaxit, i cili po udhëheq Gjeorgjinë dhe garën e ‘Këpucës së Artë’ në Euro 2024

“E katërta rresht” erdhi në fitoren ndaj Portugalisë (2-0). VAR-i nuk intervenoi në momentin kur Cristiano Ronaldo me zemërim kërkonte penallti dhe në vend të kësaj mori vendim për një penallti të shkaktuar nga Antonio Silva tek Lochoshvili.

“Dashuria” e Gjeorgjisë me VAR-in është e jashtëzakonshme. Të shohim nëse ndaj Spanjës do të ketë nevojë për ndihëm e monitorit./Telegrafi/