Sir Jim Ratcliffe i bëhet e ditur çmimi “joreal” që Glazers po kërkojnë për shitjen e Manchester United

Pronarët e Manchester United së fundmi kanë nxjerrë klubin në shitje dhe me këtë vjen një listë e gjatë e blerësve të mundshëm.

Klubi lëshoi ​​një deklaratë zyrtare javën e kaluar për të njoftuar se klubi dhe bordi po shikojnë ‘alternativat strategjike’.

Në një pjesë të deklaratës thuhej: “Procesi është projektuar për të përmirësuar rritjen e ardhshme të klubit, me qëllimin përfundimtar të pozicionimit të klubit për të përfituar nga mundësitë si në fushë ashtu edhe komerciale”.

“Si pjesë e këtij procesi, Bordi do të marrë në konsideratë të gjitha alternativat strategjike, duke përfshirë investimet e reja në klub, një shitje ose transaksione të tjera që përfshijnë Kompaninë”.

“Kjo do të përfshijë një vlerësim të disa nismave për të forcuar klubin, duke përfshirë rizhvillimin e stadiumit dhe infrastrukturës, dhe zgjerimin e operacioneve tregtare të klubit në shkallë globale, secila në kontekstin e rritjes së suksesit afatgjatë të klubit për meshkuj, femra dhe ekipet e akademisë, dhe duke sjellë përfitime për tifozët dhe palët e tjera të interesuara”, u bë e ditur më tej

Sir Jim Ratcliffe është përfolur se është i interesuar për të blerë klubin dhe është një tifoz i përjetshëm i United.

Daily Star shpjegon situatën dhe shikon se çfarë do t’i duhej Ratcliffe për të blerë klubin nga familja Glazer: “Ratcliffe me siguri do të duhet të gërmojë shumë thellë në xhepat e tij tashmë të mëdhenj nëse do të marrë klubin nga duart e Glazers”.

“Amerikanët (Glazers) kishin vendosur një çmim prej rreth 8.5 miliardë euro për Djajtë e Kuq, por u është thënë se kjo është joreale”.

“Nëse kërkesat e tyre plotësohen në mënyrë sensacionale, United do të bëhej skuadra sportive më e shtrenjtë në histori”, bën të ditur mediumi. /Telegrafi/