Sindikata e Pavarur e Policisë akuzon për mobing udhëheqësinë e MPB-së

Zëdhënësi i Sindikatës së Pavarur të Policisë Dejan Sazdov, sot akuzoi udhëheqësinë e Ministrisë së Punëve të Brendshme se kryen mobing mbi anëtarët e Sindikatës dhe pjesëtarëve tjerë të policisë.

Sazdov tha se bëhet fjalë për alokime të paligjshme, me të cilat siç tha, udhëheqësia ballafaqohet me ata të cilët kundërshtojnë punën joligjore, përcjell Telegrafi Maqedoni.

“Si sindikatë, menduam se qeveria mësoi mësimet për sjelljen shembullore dhe legjitime dhe ndryshimet pozitive do të ndiheshin, por asgjë nuk ndodhi. Në vend të ndryshimeve, ndaj sindikatës vazhduan presionet dhe kërcënimet e zhvendosjes që e ndjejnë shumë nga përfaqësuesit tanë në shpinë, si dhe presionet mbi strukturat më të larta të sindikatës dhe diskreditimin e turpshëm ndaj tyre”, tha Sazdov.

Ai kërkoi nga kryeministri Zoran Zaev që të bëjë “zëvendësime” edhe në MPB, me qëllim që drejtësia të arrihet dhe të mbahet fjala.

Ai shpreson që Inspektorati i Punës dhe Prokuroria Themelore do të merren me problemet në polici./Telegrafi/