Site icon Telegrafi

Simone Pafundi bëhet debutuesi më i ri i Italisë në më shumë se 100 vjet

Shkumbin Pireva

Talenti i Udineses, Simone Pafundi është bërë lojtari më i ri që ka bërë debutimin e tij në kombëtaren e Italisë në më shumë se 100 vjet, pasi luajti ndaj Shqipërisë me vetëm 16 vjeç e 247 ditë.

Mesfushori me tipare sulmuese zakonisht luan pas sulmuesve dhe është krahasuar me Lionel Messin për karakteristikat e tij.

Ai shënoi katër gola në pesë ndeshje për skuadrën e Italisë U-17 dhe u promovua direkt në ekipin e parë për fitoren 3-1 të mbrëmjes së mërkurë si mysafir ndaj Shqipërisë.

Roberto Mancini i dha Pafundit një inkuadrim të shkurtër në minutat e fundit të ndeshjes së zhvilluar në Stadiumin Air Albania në Tiranë.

Në moshën 16 vjeç e 247 ditë, ai bëhet lojtari i parë që bën debutimin e tij në Itali para moshës 17-vjeçare në 100 vitet e fundit.

Ai nuk mban rekordin e përgjithshëm për Azzurrët, sepse ai rekord i takon Pietro Antonio Gavi Nelli, i cili ishte 16 vjeç e 97 ditë kur debutoi në një barazim 2-2 me Francën më 9 prill 1911.

Renzo De Vecchi ishte i dyti në radhë pasi në moshën 16 vjeç e 111 ditë bëri debutimin e tij në një humbje 6-1 ndaj Hungarisë më 26 maj 1910.

Pafundi ka luajtur vetëm një ndeshje në Serie A për Udinesen, duke hyrë në fushë për 22 minuta në fitoren 4-0 si mysafir ndaj Salernitana më 22 maj 2022. /Telegrafi/

 

 

 

Exit mobile version