Si u përgjigjet Ymeri komentuesve në FB për çështjen e pronësisë

Kryetari i Lëvizjes Vetëvendosje, Visar Ymeri në mes të aktiviteteve të fushatës ka gjetur kohë që t’i përgjigjet një komentuesi në statusin e tij në rrjetin social Facebook.

Ymeri me modesti, në mënyrë të detajuar ka treguar se për t’u respektuar Ligji për Trashëgiminë, prona do të regjistrohet mes dy bashkëshortëve nëse kjo parti do të vijë në pushtet.

Ky është komenti i plotë i Ymerit teksa i përgjigjet pyetjes së Rudi Metajt:

“Rudi, jam plotësisht dakord me këtë që e thua.

Ne kemi bërë tashmë amendamente në Ligjin për Trashëgiminë lidhur me këtë. Si shembull, para noterit nuk lejohet tërheqja pa personin, në gjyq nuk mjafton vetëm gruaja (e cila po vendoset nën presion) por dhe dëshmitarët, dy sosh që nuk vijnë nga rrehti i ngushtë familjarë. Ka një seri hallkash të zbuluara gjatë këtij procesi që duhet vënë në kontroll.

Ne tash e kemi fokusin te kadastri, kthimin e pronave e kemi më një parakusht, i cili lidhet me vendimet e kohës së Millosheviçit. Çështjet e pronësisë që lidhen me atë periudhë duhet të anulohen me ligj të veçantë.

Ndërkohë që një pjesë e konsiderueshme e pronave të shtetëzuara gjatë kohës së Jugosllavisë i janë nënshtruar procesit të privatizimit (ato që kanë qenë të organizuara në kooperativa bujqësore ose që janë nacionalizuar për projekte shoqërore si ndërnarrje për shembull). Hetimi i procesit të privatizimit, një domosdoshmëri që e kemi te masa e parë nga 40 do t’i nxjerrë në pah dhe sanoj një pjesë të konsiderueshme të problemeve pronësore të kësaj natyre”.