Si në filma aksion: Ndalin veturën në të kuqen, dhe fillojnë të gjuajnë me revole në drejtim të një veture tjetër (Video)

Një ngjarje e tmerrshme që ka ndodhur në një udhëkryq në Pensacola të Floridës ka shokuar opinionin amerikan, për faktin se në të shfaqen dy grupe që gjuajnë njëri-tjetrin me revole, derisa po qëndronin të ndalur me vetura në dritën e kuqe të semaforit.

Videoja është filmuar nga një grua që po qëndronte e ndalur prapa këtyre dy veturave ,nga të cilat fillojnë të gjuajnë dy grupe të rinjsh, transmeton Telegrafi.

Gjatë një konference për media, policia amerikane ka njoftuar se ka arrestuar personin që kishte shtënë me revole dhe është identifikuar si Jeremy Olds, 30-vjeç.

Ndërkaq besohet se personi që është iniciator i këtij incidenti është identifikuar nga policia si Jonathan James Harris, 27-vjeç, i cili është në arrati.

Ndërsa targat e veturës që po ngiste, policia i ka bërë publike dhe kërkon ndihmën e qytetarëve nëse kanë ndonjë informacion lidhur me vendndodhjen e tij që t’ia tregojnë autoriteteve të sigurisë.

Ai konsiderohet shumë i rrezikshëm dhe i armatosur, me një të kaluar kriminale. /Telegrafi/