Shtrohet darka tradicionale për musafirët special të Panairit Horeca

Panairi Horeca është një ngjarje vjetore që tashmë e dy vite ka bashkuar profesionistë nga industria e mikpritjes dhe shërbimeve ushqimore për të shfaqur tendencat dhe risitë më të fundit në këtë fushë. Mbrëmë në orën 19:00 është shtruar një darkë tradicionale nga organizuesi Frigo Deluxe për musafirët e saj special të Panairit Horeca.

Kjo darkë ka shërbyer si një përvojë kulinare unike dhe e paharrueshme, duke bashkuar 30 kuzhinierë vendas të cilët kanë demonstruar aftësitë dhe njohuritë e tyre në artet e kuzhinës duke përgatitur ushqim që janë shijuar nga 30 shefat ndërkombëtar dhe 150 të ftuarit me qëllim të promovimit të shijes tradicionale shqiptare. 

Me fokus në ushqimet tradicionale të përgatitura nga kuzhinierë të talentuar nga rajoni, kjo darkë është një dëshmi e fuqisë së ushqimit në bashkimin e njerëzve me prejardhje të ndryshme. 

Pasioni dhe talenti i tyre shkëlqyen teksa kishin përgatitur një sërë pjatash tradicionale që kënaqën shijet e mysafirëve ndërkombëtarë, duke krijuar një ekstravaganzë kulinare që kapërceu kufijtë.

Nga recetat e nderuara të kohës, të transmetuara ndër breza deri te krijimet inovative të kuzhinës, menyja për këtë darkë të veçantë kishte lloj-llojshmëri ushqimesh që pasqyruan trashëgiminë e pasur kulturore të vendit tonë e që musafirët ndërkombëtarë e pritën me padurim.

Në këtë darkë ishin të pranishëm të gjithë bashëpunëtorët që ndihmuan në realizimin e panairit, duke filluar nga stafi esencial, kuzhinierët vendor, partnerët dhe brendet ndërkombëtare, partnerët vendorë si Chester, Roitiv e Telegrafi, kompanitë vendore pjesëmarrëse, të ftuar special e shumë të tjerë.

Darka ishte një mënyrë për të festuar dhe shprehur mirënjohjen për organizimin e suksesshëm të panairit më të madh në Kosovë, Horeca. Gjatë darkës u bë e ditur se gjithçka ishte bërë gati dhe përgatitur që panairi të fillojë ditën e nesërme.

Ambienti i ngjarjes shtoi joshjen e përgjithshme, me dekor elegant, shërbim të patëmetë dhe një atmosferë të ngrohtë që nxiti rrjetëzimin dhe ndërtimin e marrëdhënieve midis profesionistëve të industrisë. 

Kjo ngjarje ekskluzive vendosi një standard të lartë për të shfaqur përsosmërinë në ushqim, shërbim dhe mikpritje të panairit Horeca, duke lënë një përshtypje të qëndrueshme për të gjithë ata që marrin pjesë.