Vilë e pazakontë malore me një çati me petavra përfaqëson një kombinim të suksesshëm të modernes dhe tradicionales
Dualiteti i shtëpisë shprehet qartë nga përdorimi i materialeve dhe ngjyrave të ndryshme, megjithatë ajo përfaqëson një kombinim harmonik, siç janë guri dhe druri në rrethinën e saj.
Megjithëse shumica orientohet për zgjidhje moderne arkitekturore, shtëpitë retro ngjallin kujtime, ushqejnë traditën dhe theksojnë rëndësinë dhe bukurinë e mjeshtërisë.
Është vilë ideale, por edhe oaza retro në zemër të qyteteve të mëdha, transmeton Telegrafi.
Njëra anë e shtëpisë është e ndërtuar në shpat në mënyrë që të ketë sa më pak ndikim në mjedisin natyror.
Të dizajnuara duke kombinuar dy vëllime monolite, të lehta dhe të errëta, këto forma bashkohen me mjedisin natyror përreth të përbërë nga bimësi e ulët pishe dhe terrene të pjerrëta shkëmbore.
Shtëpia me një sipërfaqe prej 76 metrash katrorë është e ndarë në dy njësi me formë të parregullt. Gjysma e shtëpisë është e mbuluar me pllaka të bardha qeramike, ndërsa tjetra është e mbuluar me tjegulla druri të errëta të marra nga pylli lokal.
Moderne dhe pothuajse abstrakte në pamje, e gjithë shtëpia përmban një kuzhinë, një dhomë ngrënie dhe një dhomë ndenje ku mund të pushoni dhe të shijoni pamjen e bukur. Në një pjesë tjetër të shtëpisë ka një dhomë gjumi dhe një banjo.
