Stil Shtëpi dhe dekor Shtëpi të bukura

Shtëpi mesdhetare në sinergji me natyrën

Para 3 vitesh

Po ju paraqesim vilën Nemes – një shtëpi familjare prej 200 metrash katrorë, e vendosur në kodrat e Italisë me pamje nga gjiri i qytetit të Perandorisë, brenda Rivierës liguriane

Zona ekzistuese u përcaktua nga një mjedis i tarracuar me lisa, ullinj të mëdhenj dhe një përroi, transmeton Telegrafi.

Kjo vilë nxjerr esencën mesdhetare dhe ruan mjedisin natyror, dhe fasada e saj prej guri shkrihet në ambient, duke krijuar harmoni midis vetë vilës dhe mjedisit në të cilin ndodhet.

Villa Nemes është plotësisht e izoluar sipas standardit të Institutit Passivhaus.

Tarraca e saj prej druri garanton përshtatjen maksimale me tokën, dhe çatia e gjelbër, përveç efektit natyror, gjithashtu zvogëlon edhe ndryshimin e temperaturës.

Dritaret e mëdha gjithashtu kontribuojnë në bashkimin perfekt të shtëpisë dhe natyrës, të cilat mundësojnë që drita natyrore të shfrytëzohet plotësisht.

Përveç kësaj, shtëpia është e pajisur me burime të qëndrueshme të energjisë të tilla me panele diellore.

Një pjesë hyjnore e kësaj vile familjare është edhe pishina e cila shikon nga deti. Ajo jep iluzionin e bashkimit me horizontin, i cili kontribuon në një ndjenjë shtesë luksi dhe e bën këtë vilë një shtëpi ideale pranë detit.

Hyrja qendrore paraqet pikën kryesore që të çon në dhomën e ditës. Dritaret e mëdha të dhomës së ndenjes, të cilat shikojnë nga deti, shtrijnë dhomën e ndenjes në pjesën e jashtme dhe sigurojnë qasje të drejtpërdrejtë në pishinën për unitet të plotë të hapësirës.

Ajo që e bën këtë vilë specifike është hapësira e ajrosur dhe e ndritshme. Stili është minimalist, i karakterizuar nga përdorimi i disa materialeve me cilësi të lartë si druri dhe guri. Çdo mobilje individuale luan rolin e saj, duke mbushur të gjithë hapësirën me funksionalitet dhe estetikë të lartë.

Mobiljet e dhomës së gjerë të ditës, kuzhinës, barit dhe bibliotekës, si dhe tryeza me karriget e kuzhinësi, karakterizohen nga një hije e ngrohtë druri dhe bëhen një tërësi unike e Mesdheut dhe moderne.

Hyrja qendrore shërben gjithashtu si një lidhje midis dhomës së ndenjes, kuzhinës dhe anës tjetër të vilës, me pesë dhoma gjumi. Çdo dhomë gjumi është e pajisur me një hapësirë private me pamje nga deti për t’i dhënë secilit anëtar të kësaj shtëpie liri dhe hapje të hapësirës.

Druri, fasada prej guri, pishina dhe dhoma e ndenjes gjysmë e hapur është ajo që arkitektët e këtij projekti e kanë vënë në dukje me sukses.

Kombinimi me natyrën që ofron një pamje mbresëlënëse të luginës dhe detit dhe ekspozimi ndaj diellit ishin elementët kryesorë për hartimin dhe dekorimin e kësaj vile të bukur.

Ajo që e bën atë të bukur, si ditën ashtu edhe natën, është ndriçimi unik që thekson muret tradicionale prej guri dhe krijon një atmosferë nate në të cilën është kënaqësi të qëndrosh.