Shqiptari u qëllua 5 herë nga policja greke, flet për herë të parë e ëma e Esminit

Një histori e ndodhur dy vite më parë në shtetin e Greqisë, ku gjatë një operacion të policisë të Athinës, mbeti i plagosur dhe u arrestua 30-vjeccari shqiptar, Esmin Ferhati.

Mediat greke në atë kohë raporton se i riu i njohur me emrin Esko bashkë me bandën e tij kishin gjetur strehë në rezidencat studentore në Universitetin Politeknik në Athinë.

Sipas të njëjta burimeve, gjatë operacionit për kapjen e tij, ai mbeti i plagosur rëndë  si pasojë e plagëve të marra me armë zjarri nga një efektive e policisë greke, pasi raportohet se ajo u sulmua me kaçavidë nga 30 vjeçari shqiptar.

Në një rrëfim në RTSH, mamaja e “Eskos”, Silvana, jep dëshminë e saj për ngjarjen dhe kërkon që djali saj ti nënshtrohet një ndërhyrje kirurgjikale pas plagëve të marra nga policia helene.

Gjithashtu ajo pretendon se Esmini është dënuar padrejtësisht.

“Para dy vitesh u hodhën akuza shumë të rënda për djalin tim. E vërteta gjithmonë ka rrugë të largët por ajo vjen. Ata nuk ishin bandë, nuk ishin kriminelë, ishin thjesht fëmijë që i bashkonte gjuha shqipe, shkolla e përbashkët këtu në Greqi dhe qëndronin atje për shoqëri”

Duke vazhduar rrëfimin e saj, Silvana deklaroi se “këto të dhënë për djalin tim i nxori policia greke për të mbuluar masakrën që ndodhi atë ditë. djali im është goditur me pesë plumba. Fëmija im kishte 3 plumba në barkë dhe një në këmbë. Ai mbahej nën vëzhgim dhe ndaj tij u ngritën 4 akuza. Unë po deklaroi sot që ndaj tij rrëndonte akuza për vjedhje dhe për herë të parë po e them që akuzohej për rrëmbimin e një fëmijë. Por ai doli i pafajshëm dhe u lirua nga kjo akuzë për rrëmbimin e fëmijës së një gazetari grek. Kjo ishte akuza e parë por për këtë djali im mund të humbiste jetën. Tani ai është në burg sepse është dënuar për disa vjedhje dhe është dënuar 12 vjet”.

Ajo tregon dinamikën e ngjarjes dhe momentin kur u plagosur Esko.

“Unë jam infermiere dhe sa kam dal nga puna me merr nusja e djalit , mama hajde në polici të marrësh fëmijën tim sepse jemi këtu. Kur shkoi në shtëpi shikoj që shtëpia ishte shkatërruar, dera pothuajse e shembur. Morën djalin tim tjetër, nusen e djalit që është greke , nusen e Eskos dhe fëmijën 1 vjeç e gjysmë, i morën në gjumë në orën 06:15/06:20. Duke shkuar për polici me del Esko përpara dhe më thotë që do dorëzohet në polici. Unë shkoi në makinë sepse Esko më kërkoi 100 euro dhe sa hap dhe mbyll derën e makinës dëgjoj krismat. Kam parë dy polica grek që goditën djalin tim. Shkova me vrap dhe kam ulur armën polices greke dhe i thash që më qëllo mua jo fëmijën tim. Ajo më ofendoi shumë rëndë, më gjuajti dhe tha : Në qoftëse do që djali do që të shpëtoi, çohu dhe shpëtoje. Ndërsa djali me pesë plumba në trup tha; Është nëna im, lëreni të qetë”.