Shqiptarët e Sparta Pragës shkëlqejnë në Ligën e Kampionëve me gol dhe asistime

Sparta Praga ka shënuar fitore me rezultat 4-2 ndaj Shamrock Rovers për të avancuar tutje në kualifikueset e Ligës së Kampionëve me rezultat të përgjithshëm 6-2.

Në atë që ishte një ‘festival golash’ bie në sy paraqitja fantastike e tre yjeve shqiptarë, Qazim Laçi, Ermal Krasniqi dhe Indrit Tuci.

Laçi fillimisht dha një asistim shumë të mirë nga rivënia këndore në minutën e 41-të për Mathias Ross i cili shënoi për epërsinë e Spartës prej 2-1.

🇩🇰⚽️

First goal for Mathias Ross at Sparta Prague!#acsparta #superaab #Galatasaray pic.twitter.com/4uj8a88Psm

— Danish Scout (@DanishScout_) July 30, 2024

Ndërkohë Ermal Krasniqi dhe Indrit Tuci kombinuan mes vete për golin e katërt të Sparta Pragës, me këtë të parin që asistoi ndërsa Tuci shënoi.

🇪🇺 Ermal Krasniqi with the assist to Indrit Tucis goal which makes it 4-2 for Sparta Prague against Shamrock Rovers in the Champions League Qualifiers 🇽🇰👐🇦🇱pic.twitter.com/SQvoGc8Jq4

— Kosovar Talents (@Kosovartalents) July 30, 2024

Me paraqitjen e sotme Krasniqi e ka konfirmuar formën fantastike që po kalon tek klubi çek, teksa kujtojmë që ka shënuar një gol në elitën e futbollit çek.

Laçi në anën tjetër me paraqitjen e tij sonte ka dëshmuar edhe një herë tjetër pse është njëri prej lojtarëve më të rëndësishëm në ekipin çek./Telegrafi/