Shqipëria, perla e fshehur e rajonit të Ballkanit, po shndërrrohet me shpejtësi në një pikë të nxehtë evropiane për punonjesit në distancë.
Shqipëria, e quajtur së fundmi “Karaibet e Evropës”, është destinacioni i ri i nxehtë i udhëtimeve, të cilën nomadët digjitalë nuk duan ta humbasin, shkruan në një artikull Miriam Partington të botuar në “Sifted”, e mbështetur nga “The Financial Times”.
Një grup i vogël por në rritje punonjësish të largët, po vërshojnë drejt kësaj perle të fshehur të rajonit të Ballkanit që ofron diellin, detin dhe çmimet konkurruese, për të mos përmendur ushqimin e mirë, pamjet piktoreske dhe vendasit miqësorë.
“Në qershor, numri i pasagjerëve të linjave ajrore në Shqipëri u dyfishua në krahasim me të njëjtën periudhë të vitit të kaluar”, sipas ACI Europe, një shoqatë e operatorëve të aeroporteve.
Por, vendi është ende pas pikave më të nxehta nomade si ishulli portugez i Madeiras, dhe vendasit thonë se qeveria duhet të fokusohet në përmirësimin e infrastrukturës, të rrugëve transportit dhe akomodimeve, të gjendura nën fluksin e papritur të turistëve dhe nomadëve.
“Shqipëria është në rritje të vazhdueshme në popullaritet si një destinacion nomad gjatë dy viteve të fundit”, tha Emi Milo.
Ajo drejton “Innospace” në Bllok, një lagje trendi në Tiranë e cila në dekadat e mëparshme ishte e mbushur me vila në pronësi të anëtarëve të partisë komuniste.
“Njerëzit vijnë në Shqipëri sepse, edhe në këtë vend të vogël, ke male, plazhe, një qytet të madh me bare dhe restorante”, tha ajo.
“Nga Tirana, ju mund të zbrisni lehtësisht në Sarandë ose Himarë për të shijuar diellin dhe detin, ose në veri për ecje. Festat vazhdojnë deri në orët e vona të natës në shumicën e vendeve, duke qenë se muzika në bare mbyllet në mesnatë”, shtoi ajo.
Samantha Scott, e cila ka qenë një nomade digjitale për gjashtë vjet dhe drejton një blog të quajtur “All Things Remote”, kaloi një muaj në Tiranë, në maj të këtij viti, dhe ka planifikuar të kthehet sërish në Shqipëri në 2024.
“Është i përballueshëm dhe një vend i këndshëm”, tha Scott, e cila i pëlqente të shikonte lindjen e diellit dhe perëndimin e tij mbi liqen, dhe kafeja e lirë.
“Mendoj se trendi i Shqipërisë po rritet, veçanërisht për nomadët që duan plazhe, por edhe për turistët e përditshëm’, theksoi ajo.
Viza e vetëpunësuar e Shqipërisë, e cila u lançua në nëntor 2022, po i bën gjërat më të lehta për punonjësit në distancë për të lëvizur në vend, megjithëse nuk ka ende statistika zyrtare të qeverisë se sa njerëz kanë aplikuar për të.
Viza u jep të drejtën punonjësve të largët të qëndrojnë në Shqipëri deri në një vit pa paguar taksa dhe mund të aplikohen falas në internet, “një bekim”, duke qenë se shumë viza nomade digjitale kanë tarifa aplikimi.
“Qeveria e Shqipërisë, megjithatë, është ende “duke kuptuar” se si të sjellë nomadët dhe t’i bindë ata të qëndrojnë mjaftueshëm për të ndërtuar kompani ose për të investuar në pasuri të paluajtshme”, tha Erkan Munishi, themeluesi i “Digital Nomad Association USA”.
“Ishte një proces i vështirë pasi ne nuk donim vetëm të sillnim turistë, por njerëz që do të qëndronin atje për 12 muaj dhe do t’i shtonin një vlerë komunitetit”, tha Munishi.
“Masa e suksesit të tyre ose KPI, deri tani ka qenë numri i njerëzve që zbarkojnë në Tiranë me fluturime ndërkombëtare’, theksoi ai. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Detaje nga laboratori ku u identifikuan shenjat e gishtërinjve të Faton Hajrizit
Atentati ndaj ish-presidentit Rugova, koloneli policor Sylejmani: Ngjarje traumatike e Kosovës së pasluftës
Burgimi i përjetshëm për Dardan Krivaqen, Lushaku-Sadriu: Një dritë në fund të tunelit
Detaje nga laboratori ku u identifikuan shenjat e gishtërinjve të Faton Hajrizit
“Duhet të thuash se Fatoni është gjallë”, Koci tregon mesazhin në serbisht që iu dërgua në telefon
Atentati ndaj Ibrahim Rugovës, cili detaj në veturë e shpëtoi Presidentin
Shkoi për kthimin e trupit të Faton Hajrizit, avokati Koci tregon se çfarë i ndodhi në stacionin policor të Loznicës
“Familja e pagoi si avokat, ai doli pjesëtar i UDB-së”, Krasniqi tregon emrin e shqiptarit që tentoi ta vë në kurth
Një peshkaqen shfaqet te Rana e Hedhun, shqetësohen pushuesit
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Detaje nga laboratori ku u identifikuan shenjat e gishtërinjve të Faton Hajrizit
“Duhet të thuash se Fatoni është gjallë”, Koci tregon mesazhin në serbisht që iu dërgua në telefon
Barcelona arrin marrëveshje me sensacionin e Euro 2024
Atentati ndaj Ibrahim Rugovës, cili detaj në veturë e shpëtoi Presidentin
Situata e medaljeve pas ditës së katërt në Paris 2024: Ku qëndron Kosova në ranglistë
Shkoi për kthimin e trupit të Faton Hajrizit, avokati Koci tregon se çfarë i ndodhi në stacionin policor të Loznicës