Shpërndahet postimi rrëqethës i nënës së adoleshentit me autizëm, pyetja e parë e së cilit ishte “nëse dikush do ta donte”

Kerry Bloch është nëna e David që vuan nga autizmi, postimi rrëqethës i së cilës, rreth pyetjes së të birit “nëse dikush do ta donte”, ka ngjallur reagime shumë mbresëlënëse në rrjetin social.

Adoleshenti 21-vjeçar që flet rrallë dhe me shumë vështirësi, qëndron gjatë tërë kohës në shtëpinë e tij në Floridë të Shteteve të Bashkuara, ku e ka kryer një pjesë të shkollimit, larg nga ndonjë rreth shoqëror, transmeton Telegrafi.

“I biri im 21-vjeçar, nuk ka aftësi komunikimi. Në vetminë e tij të plotë, ai na bëri pyetjen e tij të parë, duke na thënë nëse dikush do ta donte”, ka shkruar Bloch në Twitter.

Më se 15 mijë herë është shpërndarë postimi i saj, ndërsa ka pasur shumë reagime të mira, në drejtim të David, të cilit i uruan që të ketë shoqërinë që do ta donte.

“Nga sot mund të më quaj mua shok”, ka qenë një prej komenteve të shumta, ndërsa disa prindër që e kanë gjendjen e njëjtë me të, kërkuan që të realizojnë takime mes tyre.

Pas një kohe të shkurtër, David e ka postuar një imazh, ku ka shkruar vet dhe i falënderojnë të gjithë që do e pëlqenin atë. /Telegrafi/