Shokohen rusët, gjenden 54 shuplakë të duarve të njerëzve në një qese të najlonit – askush nuk po e di të kujt janë apo si janë këputur? (Foto, +18)

Banorët e Siberisë mbetën të shokuar kur gjetën një qese të madhe të najlonit, me 27 palë shuplakë të duarve të njerëzve.

Kjo “gjetje” ka ndodhur afër qytetit Khabarovsk në Siberi, afër kufirit me Kinën, transmeton Telegrafi.

Banorët e kësaj zone gjetën njërën nga shumë duart duke pluskuar në lumë, ku pasi autoritetet e sigurisë kontrolluan hapësirën përreth lumit gjetën edhe duart tjera brenda qeses.

Ato i gjetën afër një zone të popullarizuar të peshkatarëve, por edhe përkundër kësaj gjetje rrëqethëse, banorët e zonës pranojnë se nuk kanë vërejtur ndonjë aktivitetet të dyshimtë para se t’i gjenin duart.

Sipas Siberian Times, mbetet mister se kujt i përkisnin këto duar dhe ku janë prerë ato dhe pse.

Një nga teoritë që po qarkullojnë për këto shuplakë të duarve, është se ato mund të jenë prerë me sëpatë si ndëshkim për vjedhjet që mund t’i kenë kryer.

Ndërsa një teori tjetër sugjeron se duart u janë prerë trupave të pajetë në spital, por ende nuk dihet se pse është bërë një gjë e tillë. Ndërkaq, policia deri më tani nuk është prononcuar lidhur me këtë rast. /Telegrafi/