Shoferi i cili u përplas në turmën e njerëzve duke vrarë 5 persona në Wisconsin, ishte ‘duke ikur nga një skenë tjetër krimi’

Një shofer i një makine SUV po ikte nga skena e një krimi tjetër kur u përplasë në një paradë të Krishtlindjeve dhe vrau pesë persona, thonë raportet.

Turmat ishin mbledhur në Waukesha, Wisconsin për ngjarjen festive të dielën kur u shpalos tmerri.

Më shumë se 40 persona u plagosën ndërsa automjeti i kuq u fut në familje që ishin rreshtuar në rrugë.

Lexo po ashtu "Fat në fatkeqësi": Fëmija i shpëton më të keqes, derisa makina i kaloi shumë afër – para se të përplasej me një turmë njerëzish në Wisconsin

Dhe një zyrtar i zbatimit të ligjit tha për CBS se dukej sikur i dyshuari po largohej nga një tjetër incident – ndoshta një përleshje me thikë, shkruan Mirror, përcjell Telegrafi.

Burimi i tha gjithashtu gazetës se, “në këtë moment” incidenti nuk duket të jetë një akt terrorist.

I dyshuari mbetet në paraburgim por deri më tani nuk është dhënë emri i tij, e as motivet.

Lexo po ashtu Momenti kur makina “përplaset” në turmën e njerëzve në Wisconsin, nga ku mbetën pesë të vdekur dhe mbi 40 të lënduar

Shefi i policisë së Waukesha, Dan Thompson tha se një automjet ishte gjetur pas incidentit në qytet, rreth 20 milje (32 km) në perëndim të Milwaukee.

“Për momentin, mund të konfirmojmë se 5 persona kanë vdekur dhe mbi 40 janë lënduar”, tha Departamenti i Policisë Waukesha në faqen e tyre në Facebook.

“Megjithatë, këto shifra mund të ndryshojnë ndërsa mbledhim informacion shtesë. Shumë njerëz janë vetëtransportuar në spitalet e zonës”. /Telegrafi/